Эң пайдалуу эт Кыргызстанда – россиялык эксперт

Россиядагы уй этин өндүрүүчүлөрдүн улуттук биримдигинин башкы директору Роман Костюк Кыргызстандын мал чарбачылыгында өндүрүлгөн продукциянын сапаты мыкты экендигин жана атаандаштыкка жөндөмдүүлүгү жогору экенин билдирди. Бул тууралуу ал «Россиялык компаниялардын КРга эл аралык ар тармактуу бизнес миссиясы» иш-чарасында айтты.

«Кыргызстан эң пайдалуу тамак-аш, эң даамдуу жана эң назик эт менен атаандаштыкка чыгууга жөндөмдүү. Тоолуу жакшы жайыттарда чөп жеген малдын эти пайдалуулугу боюнча форель менен атаандаша алат. Баары стейк базары үчүн күрөшүп жаткан кезде Кыргызстан Омега-6га караганда Омега-3 көп болгон тоо чөптөрү менен багылган этти сунуштай алат», – деди ал.

Эксперт Кыргызстанда 1.6 млн баш мал бар, 9.5 млн гектар жайыт бар экенин белгиледи. Анын айтымында, Россиянын, Казакстандын, Өзбекстандын жана Кыргызстандын рыногун камсыздоо үчүн 4 млн баш бодо мал жетишсиз.

«Букаларды сатып алуунун кереги жок, бул тез арада каржысыз калуунун кыска жолу болуп саналат. Силер азыр 1.6 млн эмес, 3.5 млн бодо малдуу боло аласыңар. Инвестиция болсо Кыргызстан 20 жылда үч эсе көп өстүрүүгө мүмкүнчүлүгү бар», – деп кошумчалады ал.

Эксперт Россия учурда 200 миң тонна уй этин импорттоо мүмкүнчүлүгүн карап жатканын белгиледи.

«90-жылдары Уругвайда мал жок болчу, бүгүнкү күндө ал мал жана эт өндүрүү боюнча эң алдыңкы өлкө. Уругвайдан алып келбешибиз үчүн, бизге эт бергиле», – деди Роман Костюк.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды