Кыргызстан менен Түркиянын ортосундагы товар айлантуу өстү, бирок дагы да аз

Үстүбүздөгү жылы Кыргызстан менен Түркиянын ортосундагы товар айлантуу 2020-жылга караганда көбөйгөн. Бирок эки өлкө экономикада кызматташууда чоң потенциалга ээ жана учурдагы товар айлантуунун көлөмү мүмкүн болгон деңгээлге туура келбейт. Бул тууралуу Түркиянын тышкы экономикалык байланыштар боюнча Кеңешинин башкармалыгынын төрагасы Айдын Мыстачоглу президент Садыр Жапаров менен Стамбулдагы жолугушуу учурунда билдирди.

Президент Садыр Жапаров кечээ, 11-ноябрда, Түркия Республикасынын Стамбул шаарында Түрк тилдүү мамлекеттердин кызматташтык кеңешинин (ТМКК) мүчө өлкөлөрдүн башчыларынын саммитине катышуусунун алкагында Түркиянын ири бизнесинин өкүлдөрү менен жолугушту.

Өз кезегинде Кыргыз-Түрк ишкерлер кеңешинин теңтөрагасы, Түркиянын тышкы экономикалык байланыштар боюнча Кеңешинин башкармалыгынын төрагасы Айдын Мыстачоглу жолугушууга ири түркиялык компаниялардын өкүлдөрү чогулганын билдирди.

Айдын Мыстачоглунун айтымында үстүбүздөгү жылы Кыргызстан менен Түркиянын ортосундагы товар айлантуу 2020-жылга караганда көбөйгөн. Бирок, анын айтымында Кыргызстан менен Түркия экономикада кызматташууда чоң потенциалга ээ жана учурдагы товар айлантуунун көлөмү мүмкүн болгон деңгээлге туура келбейт. «Биз өлкөлөрүбүздүн ортосундагы товар айлантууну жаңы деңгээлге чыгаруу ниетиндебиз», – деди ал.

Садыр Жапаров менен жолугушууга Түркиянын кен казуу, курулуш, энергетика, маалыматтык технологиялар, жеңил өнөр жай, ошондой эле саламаттыкты сактоо жана билим берүү тармактарындагы ири компанияларынын өкүлдөрү катышышты.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды