Бишкекте «Кыргызстан – Татарстан» бизнес форуму өтөт

Бишкекте 19-ноябрда «Хаятт» мейманканасында «Кыргызстан — Татарстан» бизнес форуму өтөт. Ага КАМАЗ ПАО жана башка компаниялар катышат. Бул тууралуу Инвестициялар жана өнүктүрүү агенттигинин (KADI) басма сөз кызматы билдирди.

Бизнес-форум бизнес-коомчулуктун өкүлдөрүнүн ортосунда байланыштарды түзүү жана диалог куруу үчүн кеңири мүмкүнчүлүктөрдү берген аянтча катары кызмат кылат, ошондой эле узак мөөнөттүү келечекте эки тарапка тең пайдалуу долбоорлорду ишке ашырууну демилгелемекчи.

Келе турган делегациянын курамында экономиканын ар тармактарында иштеп жаткан Татарстандын флагман ишканалары бар. Айрыкча КРнын ишкерлери менен бизнес жолугушууларды өткөрүүгө жана биргелешкен кызматташуу аспектилерин талкуулоого кызыкдар болгон «КАМАЗ», «Соллерс Форд» ЖЧК, «РусОйлТехнолоджи» ЖЧК, «Ядран» сыяктуу ири компаниялар тобу келе тургандыгын белгилей кетүү керек.

Делегациянын кеңири курамын эске алсак, ата мекендик ишкерлерге өнөктөштүк мамилелерди түзүү жана Татарстандын бизнес өкүлдөрүнүн арасында ишенимдүү өнөктөштөрдүн чөйрөсүн кеңейтүү үчүн уникалдуу мүмкүнчүлүк түзүлөт.

  • Катышуу жана толук маалымат алуу үчүн төмөнкү телефондор аркылуу кайрылсаңыздар болот: 0551 29 23 29 (Разаков Сухраб), 0551 35 59 36 (Сатиева Жылдыз). Катышуучулардын саны чектелүү. Каттоо 17-ноябрда аяктайт.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды