Кыргыз алтынынын экспорту 3.2 эсеге кыскарды – КР LBMA ишенимдүү жеткирүүчүлөрдүн тизмесинен чыкканынын кесепети

Үстүбүздөгү жылдын январь-сентябрь айларында өлкөнүн негизги экспорттук товарларынын бири болгон кыргыз алтынынын экспорту 3.2 эсеге кыскарды. Мындай маалыматты Улуттук статистикалык комитет билдирди.

Үстүбүздөгү жылдын тогуз айынын жыйынтыгы боюнча, КРнын чет өлкөгө жөнөткөн товарларынын ичинен көлөмү эң кыскарган алтын болуп чыкты.

Белгилей кетсек, Кыргызстандан экспорттолгон алтындын басымдуу бөлүгү Кумтөр кенинен казылып алынат.

Эскерте кетсек, Лондондун баалуу металлдар рыногунун катышуучуларынын ассоциациясы (LBMA) 17-сентябрдан тарта «Кыргызалтын» ААКнын ишенимдүү жеткирүүчүлөрдүн тизмесинен алып салган болчу. «Кыргызалтын» камсыздоо талаптарын жоопкерчиликтүү аткарбагандыгы үчүн тизмеден чыгарылган.

Буга чейин КРнын тоо-кен, металлургия кесиптик бирлиги Лондон баалуу металлдар фондулук биржасынын бул чечими өлкөнүн бардык алтын өндүрүү тармагына терс таасирин тийгизиши мүмкүн деп айткан эле. Ал эми Кара-Балтадагы «Аффинаждык заводу» жалпысынан банкротко учурашы ыктымал, анткени бул комбинатта алтынды тазалоо пайдасыз болуп калат.

«Кумтөр Голд Компани» ЖАКтан тышкары, аффинаждык заводдун кызматын «Алтынкен» ЖЧКсы, «Альянс Алтын» ЖЧКсы, «Макмал Голд Компани» ЖЧКсы, Солтон-Сары кени жана башка ишканалар колдонушат. Бул компаниялар металлды акыркы продуктка чейин иштетүү үчүн башка булактарды  издөөгө туура келет, бул бир канча убакытты талап кылат жана кымбатка түшөт деп айтылган КРнын тоо-кен бирлигинин билдирүүсүндө.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды