«Унаа» ишканасы дээрлик 500 млн сомго тендер жарыялады
Санариптик өнүктүрүү министрлигине караштуу «Унаа» мамлекеттик мекемеси кайрадан транспорт каражаттарын каттоо күбөлүктөрүнүн бланкасын даярдоого тендер жарыялады.
Тендер 15-ноябрда Мамлекеттик сатып алуулар порталында жарыяланган. «Унаа» документтерди даярдоого 448 млн 800 миң сом сарптаганы турат.
Эскерте кетсек, ишкана тендерди экинчи жолу өткөргөнү турат. Биринчи тендер Temirov LIVE’дын журналисттеринин иликтөөсүнөн кийин жокко чыгарылган. Анда журналисттер ошол учурда «Унааны» жетектеп турган Турусбек Түмөнбаевдин алдамчылыгы тууралуу айтып беришип, жыйынтыгында, аны ошол кездеги Министрлер кабинетинин төрагасы Улукбек Марипов жумуштан алган болчу.
