Ереванда ЕАЭБ мамлекеттери кредиттик тарыхка киргизилген маалыматтарды алмашуу тартиби жөнүндө келишимге кол коюусу күтүлүүдө

Назира Абдиева

18 нояб. 2021 16:20

Министрлер Кабинетинин Төрагасы Акылбек Жапаров 18-19-ноябрда Ереван шаарында (Армения Республикасы) өтүүчү Евразиялык өкмөттөр аралык кеңешинин жыйынына катышат. ЕАЭБ мамлекеттеринин өкмөт башчылары кредиттик тарыхка киргизилген маалыматтарды алмашуу тартиби жөнүндө Келишимге кол коюуну пландаштырууда. Бул тууралуу кабинеттин маалымат кызматы билдирди.

Евразиялык өкмөттөр аралык кеңешинин жыйыны Евразиялык экономикалык биримдигине мүчө-мамлекеттердин, ошондой эле ЕАЭБ караштуу байкоочу өлкөлөр – Өзбекстан Республикасынын жана Куба Республикасынын өкмөт башчыларынын, Евразия экономикалык комиссиясынын Коллегиясынын Төрагасынын катышуусунда өтөт.

Жыйында ЕАЭБ мамлекеттеринин өкмөт башчылары кредиттик тарыхка киргизилген маалыматтарды алмашуу тартиби жөнүндө Келишимге кол коюуну пландаштырууда.

Мындан тышкары, Кеңешменин жүрүшүндө өкмөт башчылары ЕАЭБ ички рыногундагы алып салууларды жана чектөөлөрдү четтетүү, 2021–2022-жылдарга агроөнөржай комплексин өнүктүрүүнүн биргелешкен болжолдору, союздук өлкөлөрдүн айыл чарба продукциясы, булгаары, жүн сырьесу, зыгыр буласы жана пахта буласы боюнча талап-сунуштардын балансы маселелерин, 2021–2024-жылдарга ЕАЭБ мамлекеттеринин металлургиялык ишканаларын сырьелук камсыздоо боюнча иш-чаралар планын, Союздук мамлекеттердин климаттык күн тартиби алкагындагы багыттарын жакындаштыруу боюнча иштин жүрүшүн талкуулайт.

Жыйындын алкагында ЕАЭБде жүктөрдү көзөмөлдөө үчүн навигациялык пломбаларды колдонуу жөнүндө макулдашууну, Биологиялык коопсуздук стратегиясынын долбоорун, электрондук соода маселелерин, анын ичинде аны өнүктүрүү үчүн жагымдуу шарттарды түзүү боюнча жол картасын бекитүү каралууда.

Ошондой эле 2024-жылга чейин өндүрүшү камсыз кылынууга тийиш болгон медициналык багыттагы стратегиялык маанилүү дары-дармек жана фармацевтикалык субстанциялар менен интеграциялык бирикменин өлкөлөрүн камсыз кылуу деңгээлин жогорулатуу боюнча иш-чаралардын планы каралмакчы.

Мындан тышкары окуңуз

Түндүк – Түштүк жолун суу каптап, каттам жабылды

Жамгырлуу аба ырайына байланыштуу Түндүк – Түштүк альтернативдүү унаа жолунун 3 тилкесине сел түшүп, жол кыймылына тоскоолдук жаратты. Бул тууралуу Транспорт жана коммуникациялар министрлигинин маалымат кызматы билдирди. Маалыматка ылайык, Балыкчы – Жалал-Абад унаа жолундагы каттам убактылуу жабылды. Учурда министрликтин Жол экспулатациялоомекемеси тарабынан атайын техникалар тартылып, жолду селден тазалоо жана калыбына келтирүү

Нарында күз-кыш мезгилине даярдык иштери жүрүүдө

Нарын шаарынын мэри Жылдызбек Беккелдиев күз-кыш жылытуу мезгилине карата даярдык көрүү менен жылуулук тутумундагы оңдоп-түздөө, жылуулук системасына турак жайларды кошуу жана отканалардагы оңдоо иштерин көрдү. Бул тууралуу Нарын шаардык мэриясынын маалымат кызматы билдирди. Маалыматка ылайык, тийиштүү мекеме жетекчилери менен бирге штабдык жыйын өтүп, жылуулук берүү ишканасына калкка жана

Жер казынасын пайдалануу тармагында салыктан качкандардан 250 млн сом өндүрүлдү

Башкы прокуратурасы айлана-чөйрөнү коргоо жана жер казынасын пайдалануу чөйрөсүндөгү мыйзамдардын так сакталышына туруктуу прокурордук көзөмөл жүргүзүп келет. Башкы прокуратуранын маалыматына ылайык, көрүлгөн чаралардын натыйжасында жер казынасын пайдалануу тармагында милдеттүү салыктык жана рекультивациялык төлөмдөрдү төлөөдөн качуу фактылары аныкталып, мамлекеттин пайдасына 250 млн сомдон ашык акча каражаты өндүрүлдү. Мындан тышкары, мыйзамсыз

Жалал-Абадда жер көчкү алдын ала түшүрүлүүдө

Жалал-Абад облусунда калктуу конуштардын коопсуздугун камсыздоо жана жер көчкүлөрдүн активдешүү коркунучун азайтуу максатында жер көчкү массаларын мажбурлап механикалык түшүрүү иштери жүргүзүлүүдө. Жалал-Абад облустук Өзгөчө кырдаалдар башкармалыгынын маалыматына ылайык, бул иштерди ишке ашыруу үчүн атайын инженердик долбоор иштелип чыгып, анын негизинде практикалык иштер башталды. Мындай ыкма Кыргызстандын аймагында биринчи