КР Бишкек шаарын белорус автобустары менен камсыздоого кызыкдар

КР Бишкек шаарын белорус автобустары менен камсыздоого кызыкдар. Бул тууралуу Министрлер Кабинетинин Төрагасы Акылбек Жапаров Евразиялык өкмөттөр аралык кеңешинин кезектеги жыйынына катышуу иретинде Ереван шаарына (Армения Республикасы) жумушчу сапарынын алкагында Беларусь Республикасынын Премьер-министри Роман Головченко менен жолугушуу учурунда айтты.

Жолугушуу алкагында тараптар өз ара кызыкчылык туудурган ар кыл тармактардагы кыргыз-белорус мамилелерин өнүктүрүүнү талкуулады. 

Акылбек Жапаров коммуналдык жана айыл чарба техникасын жеткирүү боюнча, ошондой эле өнөр жай кооперациясы тармагында кызматташууга кызыкдар экендигин айтты. 

«Биз Бишкек шаарын белорус автобустары менен камсыздоого кызыкдарбыз. Жакында Бишкек мэри Минск шаарында болду жана биз ага автобустарды алууга келишим түзүү укугун бердик. Биз белорус продукциясынын сапаттуулугун билебиз», – деди Акылбек Жапаров. 

Өз кезегинде Беларусь Республикасынын Премьер-министри Роман Головченко Акылбек Жапаровду Министрлер Кабинетинин Төрагасы кызматына дайындалышы менен куттуктап, эки өлкө ортосунда биргелешкен өндүрүштүк долбоорлор ийгиликтүү ишке ашырылып жаткандыгын, жакында Ош шаарында ачылган трансформаторлордун өндүрүшүн белгиледи. 

Белорус тарап кеңири чөйрөдөгү, анын ичинде энергетикалык тармак үчүн түзүлүштөрдү чыгарууга байланыштуу долбоорлоорду ишке берүүгө даярдыгын билдирди. 

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды