Депутаттар 25 миңден 70 миң сомго чейин айлык алышат – Дастан Бекешев
Депутаттар 25 миңден 70 миң сомго чейин айлык алышат. Бул тууралуу Дастан Бекешев өзүнүн YouTube каналында жарыялаган маегинде билдирген.
Айлык акынын өлчөмүнө депутаттын иш стажы, илимий наамы жана башка факторлор таасир этет.
«Менин айлыгым 50 миң сом. Көпчүлүк депутаттардын бизнеси бар, мен мугалимдик менен алектенем. Акы төлөнүүчү лекцияларды окуйм, өлкөнүн жогорку окуу жайларынын биринде сабак берчүмүн», – дейт Бекешев.
Ал өлкөдө жашоо минимуму 5.6 миң сомду түзөөрүн айтып, бул сумма 15-20 миң сомго барабар болушу керек деп эсептейт.
