«Манас» аэропортунун таза кирешеси быйыл 3 млрд сомдон ашат

«Манас» эл аралык аэропорту ААК 2021-жылы 3 млрд сомдон ашык таза киреше алууну күтүүдө. Бул тууралуу Кыргыз фондулук биржасынан (КФБ) билдиришти, ага ылайык, бюджет акционерлердин жыйынында бекитилген.

Божомолдор боюнча, жыл аягына чейин киреше 6.5 млрд сомду, чыгашалар 3.2 млрд сомго жетет.

Учурда «Манас» аэропортунун акцияларынын саны 27.8 млн бирдикти, ал эми капиталдаштыруу 15.9 млрд сомду түзөт. Компания 2008-жылдан бери КФБнын расмий тизмесинде жана эл аралык отчеттуулуктун жана ачыктыктын стандарттарына жооп берген жогорку натыйжалуулукту көрсөткөн биржанын үлгүлүү листингдик компаниялардын бири болуп саналат.

Белгилей кетсек, ноябрь айында «Манас» аэропортунун жөнөкөй акцияларынын баасы 550 сомго жеткен. КФБнын маалыматты ачыкка чыгаруу бөлүмүнүн башчысы Ирина Иванова бул өсүш катышуучулардын оң күтүүлөрү менен байланыштуу экенин билдирген. II кварталда «Манас» аэропорту өткөн жылдын ушул мезгилине салыштырмалуу таза кирешеcbнин үч эсеге өскөндүгүн көрсөткөн.

Мындан тышкары, жыйында аэропорттун учуп-конуу тилкесин реконструкциялоо долбоору жактырылды. Ошондой эле өлкөнүн жогорку жетекчилигин ташуу жана ички каттамдарды ишке ашыруу менен алектенген «Эйр KG» туунду компанияга учак сатып алуу маселеси каралган болчу.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды