Садыр Жапаров: БШК керт башы менен жооп берет
Президент Садыр Жапаров кечээ өзүнүн Фейсбук баракчасында добуштар саналбай калганын билдирген партияларга кайрылуусун жарыялады.
Анын айтымында бюллетендерди кол менен санап чыгууга эч ким тоскоол болбойт.
«Борбордук шайлоо комиссиясынын серверинде “сбой” болду, добуштарды уурдады деп ызы чуу салып жаткан партияларга айтаарым: бюллетендерди кол менен санап чыгууга силерге эч ким тоскоол болбойт. Кол менен санап чыккыла. Толук санап чыгып, ар бир нааразы болгон партиялар ынанмайынча бюллетендер эч жака жылбаш керек. Эгер чындап эле БШК жасалма кылган болсо, БШКнын баардык мүчөлөрү жоопко тартылышат. Керт баштары менен жооп беришет», – деп жазган ал.
Жапаровдун билдиришинче, бийлик тараптап эч кандай кийлигишүү болгон эмес.
«Бийлик тараптан шайлоо процессине кийлигишпегендей эле БШКнын ишине дагы эч ким кийлигишкен жок. Эгер ким кийлигишкен болсо БШКнын мүчөлөрү ачык айткыла», – деди ал.
