Алмаз Айбалаев «Керемет банктын» жетекчилик кызматынан өз ыктыяры менен кетти

«Керемет Банктын» башкармалыгынын төрагасы (Улуттук банктын үлүшү 97.45%) Алмаз Айбалаев кызматынан кетти. Бул тууралуу Economist.kg сайтына өздүк булактар ​​билдирди.

Айбалаев өз каалоосу менен кызматтан кетүү боюнча арыз жазган.

Белгилей кетсек, Айбалаев «Керемет Банктын» башкармалыгынын төрагалыгына эки жума мурда эле, тагыраак айтканда, 17-ноябрда келген болчу.

Кийинчерээк ал былтыр январь айында бул кызматка дайындалган Улуттук банктын башкармалыгынын мүчөсү Айнура Айбалаеванын бир тууганы экени белгилүү болгон. Бирок Улуттук банк андан кийин бул кызыкчылыктардын кагылышуусу эмес экенин, анткени Айбалаева Улуттук банктын башкармалыгынын мүчөсүнүн ыйгарым укуктарын аткарып жатып, банктардын ишин жөнгө салууга жана көзөмөлдөөгө да, ошондой эле Улуттук банктын юридикалык жактардын капиталын кароо жумуштарына тартылбагандыгын билдирген эле.

Алмаз Айбалаев буга чейин «РСК банк», «Кыргызкоммерцбанкты» жетектеп, ошондой эле Орус-Кыргыз өнүктүрүү фондунун башкармалыгынын мүчөсү болуп эмгектенип келген.

Белгилей кетсек, Айнура Айбалаева жана Алмаз Айбалаев Баткен облусунун мурдагы губернатору Мамат Айбалаевдин балдары.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды