«Кут Строй» курулуш компаниясы санитардык аймакта мыйзамсыз үй курууда – ал жерде пластик, машина майлары иштетилет

«Кут Строй» курулуш компаниясы борбор калаанын Чыгыш өнөр жай аймагындагы «Кара-Жыгач» жаңы конушунда курулуш иштерин жүргүзүп, тургундардын ден соолугун коркунучка салып, көп кабаттуу үй салууда. Бул тууралуу Kaktus.media сайтына ишкерлер арызданышкан.

Мыйзамга ылайык, өнөр жай аймагы санитардык аймак болуп саналгандыктан, ал жерде үй курууга уруксат берилбейт. Бирок мамлекеттик органдар эмнегедир курулуш иштерине уруксат беришкен.

Ал эми «Кут Строй» компаниясы болсо ал жерде көп кабаттуу үй салып баштаган. Ал салынып жаткан үйдүн терезелеринен пластиктерди сорттогон, машина майларын иштеп чыгарган, ал эле эмес жаныбарлардын да ичегилерин иштеткен ишкана көрүнүп турат. Ал эми бир километрдей алыстыктан аймактан өндүрүштө колдонулган химикаттын жыты келип турат.

Компаниянын сайтында «өзүнүн өзгөчө шарттарынан улам бул комплекс беш айда эле бүткөрүлгөн. Ал эми 2021-жылдын күзүндө үй пайдаланууга берилет» деп жазылган.

Аталган үй Исакеев менен Виноградный көчөлөрүнүн кесилишинде курулууда жана ал комплекс «Келечек» деп аталат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды