«Манас» аэропорту Нурсултан Назарбаев аэропорту менен кызматташуу боюнча меморандумга кол койду

«МЭА» ААКнын жетекчилиги Нурсултан Назарбаев эл аралык аэропортунун 90 жылдыгына карата 2-4-декабрда Казакстандын аэропортунда болушту. Бул тууралуу «МЭА» ААКнын маалымат кызматы кабарлады.

Иш сапардын алкагында «Манас» эл аралык аэропорту» ААК Башкармалыгынын төрагасы Бакыт Шаршеев, «Нурсултан Назарбаев» эл аралык аэропорту» АК Башкармалыгынын төрагасы Габит Тажимуратов менен жолугушту.

Жыйынтыгында кызматташуу боюнча меморандумга кол коюлган. Төмөнкү багыттар боюнча достук өнөктөштүктү бекемдөө милдеттери коюлган:

  • Тараптар өнөктөштүк мамилелерди түзүүгө жана тажрыйба алмашууга макулдашышты
  • Тараптар Бишкек менен Нур-Султандын ортосундагы түз аба байланышын өнүктүрүү боюнча макулдашышты
  • Тараптар Көкшетау менен Ысык-Көлдүн курорттук аймактарынын ортосундагы аба байланышын өнүктүрүүгө күч-аракет жумшай тургандыктарын макулдашышты
  • Кызматташтыкты чыңдоо жана эки тараптын рыногун жакшы түшүнүү максатында тараптар жетекчиликтин иш сапарлары уюштурулат
  • Бул өз ара түшүнүшүү меморандуму орус тилинде эки нускада түзүлдү
  • Тараптар биргелешкен иштерди координациялоо жана жүргүзүү жана кызматташуунун жогорудагы максаттарына жетүү үчүн биргелешкен жумушчу топ түзүшөт.

Эскерте кетсек, 2021-жылдын 25-сентябрындагы Казакстан Республикасы менен КРнын авиациялык бийлик органдарынын ортосундагы эки өлкөнүн аэропортторунун ортосунда авиациялык коопсуздукту камсыздоо боюнча тажрыйба алмашууну уюштуруу боюнча «МЭА» ААК жетекчилиги Казакстандын борбор шаарындагы аэропортуна барышкан эле.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды