Энергетика министрлиги: КР 300 млн кВт/саат электр энергиясын Казакстанга кайтарып берди
КР 300 млн кВт/саат электр энергиясын Казакстанга кайтарып берди. Бул тууралуу Энергетика министрлигинин маалымат кызматы кабарлады.
Министрликтин берген маалыматына ылайык, кыргыз тарап Казакстанга 2021-жылдын июнь-август айларында буга чейин алынган 300 млн кВт/саат электр энергиясын кайтарып берди. КРдан Казакстан Республикасына кайтарылган электр энергиясы Токтогул жана Таш-Көмүр ГЭСтеринде өндүрүлөт, ал эми керектелген суунун көлөмү көрсөтүлгөн электр энергиясын иштеп чыгууга жумшалат.
Энергетика министрлиги Казакстанга Токтогул суу сактагычынан кошумча агызылып берилген маселеге эмне дейт?
КРнын калкын жана экономикасын электр энергиясынын зарыл болгон көлөмдөгү электр энергиясы менен камсыз кылуу, ошондой эле Токтогул суу сактагычынын суу-энергетикалык ресурстарын сактоо максатында КРнын жана Казакстан Республикасынын Энергетика министрликтери тарабынан электр энергиясын өз ара жеткирүүнү ишке ашыруу жөнүндө чечим кабыл алынган.
Ага ылайык, казак тарап 2021-жылдын жаз-күз мезгилинде КРга 900 млн кВт/саат электр энергиясын баштапкы берүүнү ишке ашырууда. Келишимдин негизинде 2021-жылдын мартынан май айына чейинки мезгилде Казакстан Республикасынан 420 млн кВт/саат электр энергиясы алынган, бул көрсөтүлгөн мөөнөттө Токтогул суу сактагычына кошумча суу топтоого мүмкүнчүлүк түзүлөт, деп айтылат билдирүүдө.
Бекешев: Казакстанга качан, канча көлөмдө суу бердик, так маалымат бергиле
Энергетика министрлиги ар бир куб метр суу электр энергиясына айлангандыктан, гидроагрегаттарды айланып өтүүчү суу кошумча коё берилбестигин жоопкерчилик менен билдирет.
Эскерте кетсек, Казакстандын премьер-министри Аскар Мамин КР министрлер кабинетинин башчысы Акылбек Жапаров менен Нур-Султан шаарында өткөн сүйлөшүүдө ал Токтогул суу сактагычынан кошумча суу берип жатканы үчүн Кыргызстанга ыраазычылык билдирген болчу.
