Кыргызстан менен Казакстандын өз ара соода жүгүртүүсү 9 айда 680 млн долларды түздү
Кыргызстан менен Казакстандын өз ара соода жүгүртүүсү 9 айда 680 млн долларды түздү. Бул тууралуу Казакстандын президенти Касым-Жомарт Токаев КРнын Министрлер кабинетинин төрагасы Акылбек Жапаровду кабыл алуу учурунда айтканын akorda.kz билдирет.
Казакстандын президенти өз ара сооданын оң динамикасын белгилеп, ал үстүбүздөгү жылдын 9 айында 9%га өскөнүн жана 680 млн долларды түзгөнүн айткан. Ал ошондой эле кызматташуунун бардык потенциалын пайдалануу менен бул иштин темпин жогорулатуунун маанилүүлүгүн белгилеген.
Сүйлөшүүнүн соңунда Казакстандын президенти Кыргызстан менен өз ара пайдалуу кызматташтыкты ар тараптан өнүктүрүүгө көмөк көрсөтүүгө жана ар тараптан колдоо көрсөтүүгө даяр экенин ырастап, өлкө башчысы Садыр Жапаровго өзүнүн саламын жолдогон.
Эскерте кетсек, Акылбек Жапаров учурда Казакстанда жумушчу сапары менен жүрөт.
