Манас Мураталиев: ЭЭАнын субъекттери импорттук товарлар менен атаандаша албай келет

«Бишкек» Эркин Экономикалык Аймагынын (ЭЭА) башкы директорунун кеңешчиси Манас Мураталиев арзан жумушчу күчү жана электр энергиясы болгон күндө да ЭЭА субъекттери импорттук товарлар менен атаандаша албай турганын билдирди. Мындай пикирин ал «Кыргызстанда инвестициялык климатты калыбына келтирүүгө мүмкүнчүлүк барбы?» аттуу Economist.kg басылмасы уюштурган тегерек столдо айтты.

Ал ата мекендик өндүрүшчүлөрдү мамлекеттик деңгээлде колдоо зарылдыгын белгиледи.

«Жакшы шарттарды түзүшүбүз керек, учурда 120га жакын продукцияны чыгарабыз. Электр энергиясы, жумушчу күчү арзан жана салык жок болуп турса да ЭЭА субъекттери импорт менен атаандаша албайт, баасы кымбатыраак болуп чыгууда. Бизде кээде, балким, маселе көмүскө экономикада болуп жүрбөсүн деген суроолор туулуда», – деди ал.

Ал инвестиция салууга даяр ата мекендик инвесторлор дагы инвестициянын кайтарымынан (кирешесинен) күмөн санап жатканын баса белгиледи. Анын айтымында, эл аралык инвесторлор дагы туруксуз мыйзамдарга ишенишпейт.

«2021-жылы биз чет элдик инвесторлор менен 17 жолу жолугушуу өткөрдүк, бирок алар өз ниетин токтотушту. Кыязы, алар кандайдыр бир стабилдүүлүктү күтүп жатышат. Биздин салык мыйзамдарыбыз азыр өзгөрүп жатат, инвесторго болсо туруктуулук керек. Ар бир жолу бизден ЭЭА боюнча мыйзам канча жолу жана кандай өзгөргөнүн сурашат», – деп кошумчалады Манас Мураталиев.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды