Донорлор берген 50 млн доллардын 3 млн доллары консультациялык кызматка, 4 млн доллары күтүүсүз чыгымдарга сарпталат

Азия өнүктүрүү банкы (АӨБ) Бишкектин транспорттук инфраструктурасын жакшыртууга бере турган 50.65 млн доллардын 3 млн доллары консультациялык кызматка кетет. Бул тууралуу бүгүн, 20-декабрда Бюджет жана финансы боюнча комитетинин жыйынында белгилүү болду.

Комитеттин төрагасынын орун басары Улан Примов 8.8 млн доллар курулуш жумуштарына, консультациялык кызматка 3 млн доллар кетээрин жана бул чоң сумма экенин айтып, анын баасын түшүрүүгө мүмкүнчүлүк барбы деген суроолору менен Финансы министринин орун басары Руслан Татиковго кайрылды.

Татиков өз кезегинде бул донорлордун шарты экенин айтып, бирок 3 млн доллар консультациялык кызмат үчун көп экенин айтып, сөздү мериянын кызматкерлерине берди. Алар бул сумма башында 6 млн доллар болгонун жана аны 2 эсеге азайтышканын билдиришти.

Ошондой эле бул долбоордон дагы 4 млн доллар күтүүсүз чыгымдарга каралган.

Эскерте кетсек, Азия өнүктүрүү банкы (АӨБ) КРга аккумулятордук автобустарды алууга жана Бишкектин транспорттук инфраструктурасын жакшыртууга жардам берүү үчүн 50.65 млн доллар берет. Анын жарымы грант, жарымы кредит түрүндө берилет.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды