Быйыл Кыргызстандын ичинде билеттердин орточо баасы 3100 сомду түздү – Aviasales.kg
Быйыл Кыргызстандын ичинде билеттердин орточо баасы 3 миң 130 сомду түзүп, былтыркыдан 10%га кымбаттады. Мындай маалымат Aviasales.kg сайтынын 2021-жылга карата жыл жыйынтыгын чыгарган изилдөөсүндө айтылат.
Изилдөөдө көрсөтүлгөндөй Россияга да билеттер кымбаттаган. 2020-жылга салыштырмалуу быйыл Москвага авиакаттамдын орточо баасы 45%га өсүп, ал 25 667 сомду түзгөн. Түштүк Кореяга учкан каттамдардын баасы да көтөрүлүп, азыр билет былтыркыга караганда орточо эсеп менен 50%га кымбаттаган.
Ал эми Стамбулга авиа каттамдар тескерисинче, баа орто эсеп менен 2%га арзандап, ал 18 452 сомду түзгөн.
2021-жылы Кыргызстандын жараны сатып алган эң кымбат билет АКШнын Мемфис шаарына жүз миң сомдон ашык (123 377 сом) болгон. Ал эми Ошко эң арзан авиакаттамы болуп, ал 2 957 сом болгон.
