"Саякат" комплекси менен "Достук" мейманканасын оңдоого 30 млн доллар жумшалат

Мелис Совет уулу

25 февр. 2026 09:48

Бишкек шаарында туристтик "Саякат" комплекси жана "Достук" мейманкана комплекси капиталдык реконструкциядан өтүп жатат. Бул объектилер азыр Президенттин Иш башкармалыгына караштуу Санаторий-курорттук, ден соолукту чыңдоочу жана туристтик объектилерди башкаруу дирекциясынын карамагында.

Дирекциянын басма сөз кызматы билдиргендей, "Саякат" комплексин жаңылоого россиялык компания тарабынан тартылган инвестиция көлөмү болжол менен 5 млн долларды түзөт. Ал эми "Достук" мейманканасын толук реновациялоого 15–25 млн доллар жумшалары айтылууда.

Реконструкциянын жүрүшүндө инженердик тармактар толугу менен жаңыртылат. Анын ичинде электр менен камсыздоо, суу түтүктөрү жана канализация системалары алмаштырылат. Мындан тышкары, чатыр, фасаддар жана ички бөлмөлөр оңдолуп, жылытуу системасы модернизацияланат.

"Достук" мейманканасы реконструкция маалында жабык болот. Ошол эле учурда инвестор жыл сайын 40,8 млн сом өлчөмүндө ижара акысын төлөөгө милдеттенме алган. 2027-жылдын IV кварталынан тарта бул сумма 80,58 млн сомго чейин көбөйөт. Ал эми 2029-жылдан 2049-жылга чейин жылдык ижара акысы 100,9 млн сомду түзөт.

Басма сөз кызматы ошондой эле "Достук" мейманканасы дирекциянын карамагына өткөрүлгөндөн кийин мурда жеке акционерге таандык болгон 35,59% акция мамлекетке кайтарылганын эске салды.

Мындан тышкары окуңуз

Салык карызынын 97%ы эсептен чыгарылат: кимдерге жеңилдик берилди?

Кыргызстанда айрым салык төлөөчүлөргө салык карыздарын, туум жана санкцияларды эсептен чыгарууга мүмкүнчүлүк берген жаңы мыйзам кабыл алынды. Бирок жеңилдиктер автоматтык түрдө колдонулбайт, мыйзамда белгиленген шарттарды аткаруу талап кылынат. Салык кызматынын басма сөз кызматы маалымдагандай, мал экспорттоочулардын 2026-жылдын 1-январына чейинки салык карызынын 97%ы, ошондой эле туум жана санкциялардын

Кыргызстан менен Швейцария эл аралык автоташуулар боюнча келишимге кол койду

Кыргызстан менен Швейцариянын ортосунда жүргүнчүлөрдү жана жүктөрдү автомобиль транспорту менен эл аралык ташуу боюнча Өкмөттөр аралык келишимге кол коюлду. Бул тууралуу Транспорт жана коммуникациялар министрлигинин маалымат кызматы билдирди. Бүгүн транспорт жана коммуникациялар министри Талантбек Солтобаев Швейцариянын Кыргызстандагы Атайын жана Ыйгарым укуктуу Элчиси Сироко Мессерли менен жолугушту. Тараптар эки өлкөнүн ортосундагы

Баткенде күз-кышка даярдык: калкка 101 миң тонна көмүр талап кылынат

Президенттин Баткен облусундагы ыйгарым укуктуу өкүлү Мамыржан Рахимов күз-кышка даярдык көрүү боюнча буйругу кабыл алынып, облустук штабдын курамы жана иш-чаралар планы бекитилди. Аймактык өкүлчүлүктүн басма сөз кызматы билдиргендей, жыйында калкты көмүр менен камсыз кылуу, түйүндөрдү ачуу, баасын туруктуу кармоо, ошондой эле электр жарыгы жана жылуулук менен үзгүлтүксүз камсыз

Таласта 11,9 млн сомдук долбоордун алкагында жабык дренаж курулууда

Талас шаарындагы Тагайбаев көчөсүндө жалпы узундугу 1377 метр болгон жабык дренаж системасын куруу иштери башталды. Бул тууралуу ӨКМдин Талас облусу боюнча башкармалыгынан билдиришти. Маалыматка ылайык, долбоордун жалпы сметалык баасы 11 млн 899 миң 720 сомду түзөт. Учурда 600 метр аралыкта казуу иштери жүргүзүлүп, бардык иш-аракеттер белгиленген тартип боюнча уланууда.