Кумтөр боюнча Министрлер кабинети канадалыктар менен онлайн форматта, жабык сүйлөшүүлөрдү жүргүзүүдө

Кечээ, 23-декабрда Бишкекте Кумтөр алтын кени боюнча кыргыз бийлиги канадалыктар менен сүйлөшүүлөрдү өткөргөнүн жана бул тууралуу «Кумтөр Голд Компани» ишканасы билдиргенин 24kg маалымдады.

Берилген маалыматка караганда, жолугушуу онлайн жабык видеоконференция форматында өткөн. Сүйлөшүүгө Кыргызстандын атынан Министрлер кабинетинин төрагасы Акылбек Жапаров, Юстиция министри Аяз Баетов, «Кумтөр Голд Компани» ЖАКтын тышкы менеджери Тенгиз Бөлтүрүк жана башка кызыкдар тараптар катышышкан. Канада тараптан «Центерра Голддун» президенти жана башкы директору Скотт Перри катышкан.

«Тараптар кендин айланасында түзүлгөн кырдаал боюнча пикир алмашып, соттук териштирүүгө байланышкан маселелерди талкуулашты. Диалогдун жыйынтыгында, катышуучулар талкууну бүгүн, 24-декабрда улантууну чечишти», – деп билдирген компаниядан.

Эскерте кетсек, бул сүйлөшүүлөдүн экинчи айлампасы десе болот. Биринчи сүйлөшүү 30-сентябрда, Женевада кыргыз делегациясынын Centerra Gold Inc. компаниясынын жетекчилиги менен юристтердин коштоосунда өткөн эле.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды