AFEI Холдинг КРда диагностикалык борбор ачууну пландаштырууда – 25 млн долларга инвестиция тартылат

Кечээ, 27-декабрда Инвестиция боюнча агенттиктин (KADI) жетекчиси Нурадил Баясов AFEI Holding корпорациясынын төрагасы менен жолугушту. Бул тууралуу аталган агенттиктин басма сөз кызматы билдирди.

Агенттиктен билдиришкендей, сүйлөшүүлөрдүн жыйынтыгында корпорация мамлекеттик-жеке өнөктөштүктүн алкагында муниципалдык оорукананын аймагында диагностикалык борбор ачууга кызыкдар.

Диагностикалык борбордун негизги кызматы – магниттик-резонанстык томография болмокчу. Бул үчүн Кытайдан Supernova H15 МРТ-аппараты сатылып алынат.

Долбоорду ишке ашыруунун алкагында, аталган агенттик инвестор менен биргеликте медициналык жабдууларды чыгарган 10 мыкты компаниялардын бири болгон Neusoft Medical Systems компаниясынан акыркы медициналык жабдууларды орнотуу үчүн 1.5 млн доллардан 25 млн долларга чейин инвестиция тартаарын агенттиктин басма сөз кызматы билдирди.

Агенттик долбоордун биринчи этабын 2022-жылдын февраль айына чейин ишке ашырууну пландап жатканын кошумчалады.

Корпорация кыргызстандыктарга заманбап медициналык кызмат көрсөтүү үчүн КРда көп тармактуу оорукана ачууну да пландоодо. AFEI Холдинг КРнын аймагында жаңы кластерди – медициналык туризмди түзүүгө кызыкдар. Бул долбоорду ишке ашырууга 80 млн доллардан ашык каражат тартуу пландалууда.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды