Жогорку Кеңеш Казакстанга аскер жиберүүгө макулдугун берди

Бүгүн, 7-январда Казакстандагы митингге байланыштуу Жогорку Кеңештин кезексиз жыйынында Жамааттык коопсуздук келишими уюмунун (ЖККУ) алкагында Кыргызстан Казакстанга аскер жөнөтүүгө макул болду.

Бул маселе боюнча парламенттик жыйын алгач ачык режимде өтүп жаткан, бирок кийинчерээк депутаттар жыйынды жабык өткөрүүгө макулдугун беришти. Кайра добуш берүүнүн жыйынтыгында, эл өкүлдөрүнүн 69 макул, жетөө каршы болду.

УКМКнын төрагасы Камчыбек Ташиев жыйын бүткөн соң журналисттерге: «Президентибиздин сунушу каралды. Казакстан мамлекетине ЖККУнун чечимине ылайык, биздин аскерлерди жөнөтүү боюнча Жогорку Кеңеш макулдугун берди. Аскерлердин жөнөп кетишин, убактысын, шартын эми карап чыгабыз», – деди ал.

Жыйындын башында Камчыбек Ташиев Кыргызстан Казакстанга 150 адам, 8 брондолгон техника жана 11 машина жөнөтө турганын билдирген эле.

6-январда казак президенти Касым-Жомарт Токаев 2-январдан бери уланып жаткан митингдерге байланыштуу ЖККУдан жардам сураган. Буга чейин Россия, Армения, Беларус, Тажикстан өзүнүн тынчтык орнотуучу күчтөрүн жөнөткөнү тууралуу маалымат бар.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды