Эми коомдук жолдордо автобустар жана жүк ташуучу унаалар акы төлөп жүрүшөт

Бийлик Кыргызстанда жана чет өлкөлөрдө катталган автобустар менен жүк ташуучу унаалардан жалпы пайдалануудагы жолдордон жүргөндүгү үчүн акы алууну көздөөдө. Министрлер кабинети 2021-жылдын 24-декабрындагы токтому менен алынуучу каражаттын өлчөмү жана аны алуу тартиби жөнүндөгү жобону бекитти.

2023-жылдын 1-январынан 2024-жылдын 1-январына чейинки мөөнөттө алынуучу акы жободо белгиленген каражаттын 30% өлчөмүндө, ал эми бул мөөнөт бүткөндөн кийин – толугу менен алынат.

Белгилей кетсек, Министрлер кабинетинин сайтында жарыяланган токтом долбооруна ылайык, автобустардан километрине 0.12 сомдон 0.23 сомго чейин, жүк ташуучу унаалардан массасына жараша 1.16 сомдон 8.29 сомго чейин алуу сунушталган.

Транспорт министрлигине 2023-жылдын 1-январына чейин жалпы пайдалануудагы автомобиль жолдорунда акыларды электрондук түрдө алуу боюнча, маалыматтык системанын операторун тандоо боюнча тендерди жыйынтыктоо жана бул маалыматтык системаны ишке киргизүүнү камсыз кылуу тапшырылды.

Бул токтом долбоору 2023-жылдын 1-январынан тартып күчүнө кирет.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды