1-марттан баштап чет элдик жарандар үчүн «жашыл коридор» жабылат

Назира Абдиева

21 янв. 2022 19:38

Министрлер Кабинетинин чечимине ылайык, чет өлкөлүк жарандарга жана жарандыгы жок адамдарга карата колдонулган миграциялык амнистиянын («жашыл коридор») мөөнөтү такталды – ал 2022-жылдын 1-мартынан башталат. Бул тууралуу ТИМдин маалымат кызматы кабарлады.

COVID-19 илдетинин жайылуусуна байланыштуу киргизилген убактылуу чектөөлөр колдонулгандыгына байланыштуу КРнын аймагында визалык жана визасыз тартипте жүргөн чет мамлекеттердин жарандары жана жарандыгы жок адамдар КРнын аймагынан чыгуу визаларын тариздебестен жана турган жери боюнча каттоосуз чыгып кете ала тургандыгы белгиленген болчу.

Чет мамлекеттер менен авиа, темир жол жана автоунаа каттамдары жандандырылгандыгын эске алып, Министрлер Кабинети чет өлкөлүк жарандарга жана жарандыгы жок адамдарга карата колдонулган «жашыл коридорду» 2022-жылдын 1-мартынан баштап жокко чыгаруу чечимин кабыл алды.

Андыктан, КРнын аймагында ар кандай максатта жүргөн чет өлкөлүк жарандарга жана жарандыгы жок адамдарга 2022-жылдын 1-мартына чейин мамлекеттин аймагынан чыгып кетүү же КРнын аймагында мыйзамдуу жүрүүгө тиешелүү документтерди (виз, каттоо) тариздөө сунушталат.

Министрлик 2022-жылдын 1-мартынан тартып кирүү тартибин бузган чет өлкөлүк жарандар жана жарандыгы жок адамдар КРдан чыгуусу айып пул төлөнгөндөн жана чыгуу визасы таризделгенден кийин гана мүмкүндүгүн өзгөчө белгилейт.

Толук маалымат алуу үчүн төмөндөгү телефондор аркылуу кайрылуу керек: (+996) 312 66-30-70, (+996) 703 42-88-65 (+Whatssapp), Instagram: @visacenterkg, Telegram: @visacenterkg.

Мындан тышкары окуңуз

Ак-Бууранын боюнда 15 гектарлык заманбап эс алуу багы ачылды

Ош шаарындагы Курманжан-Датка муниципалдык аймактык башкармалыгында аянты 15 гектар болгон жаңы эс алуу багы ачылды. Ал жер гүлдөр жана жашыл бактар менен көрктөндүрүлүп, түнкү жарыктандыруулар орнотулгон. Калаа мэриясынын басма сөз кызматы билдиргендей, ачылыш аземине Жогорку Кеңештин төрагасы Марлен Маматалиев, депутаттар жана Ош шаарынын мэри Жанарбек Акаев катышты. Марлен Маматалиев

Индиянын медиасы Кыргызстандагы инвестиция боюнча маек алды

Инвестициялар боюнча улуттук агенттиктин башчысы Равшанбек Сабиров Индиянын IANS маалымат агенттигине маек берди. Улуттук агенттиктин басма сөз кызматы билдиргендей, ал маекте өлкөдөгү инвестициялык климатты жакшыртуу жана бизнес чөйрөсү үчүн жагымдуу шарттарды түзүү багытында жүргүзүлүп жаткан иштерге токтолду. Мындан сырткары, Кыргызстандын өнүгүү келечеги тууралуу сөз болуп, чет өлкөлүк өнөктөштөр менен кызматташтыкты

Молдовановкада коомдук каттамдарды уюштуруу жана жер маселеси көтөрүлдү

Чүй облусунун Молдовановка айылында коомдук транспорттун жеткиликтүүлүгү, каттамдарды уюштуруу, жер маселеси жана социалдык көйгөйлөр көтөрүлдү. Бул тууралуу парламенттин басма сөз кызматы билдирди. Маалыматка ылайык, Жогорку Кенештин депутаты Максат Алымбеков Аламүдүн районундагы аталган аймакка иш сапары менен барып, жергиликтүү тургундар менен баарлашкан. Белгиленгендей, эл өкүлү маселелерди жеринен угуп, аларды тиешелүү мамлекеттик

Таласта 57 млн сомго 150 орундуу жаңы окуу имараты курулду

Талас районунун Ак-Жар айылындагы А. Султанбеков атындагы мектепке 150 орундуу жаңы окуу имараты курулду. Бул тууралуу Курулуш министрлигинин басма сөз кызматы билдирди. Маалыматка ылайык, иштер республикалык казынадан каржыланып, объекттин жалпы наркы 57 млн сомду түздү. Мекеме жаңы окуу жылында пайдаланууга берилет. Эки кабаттуу имараттын жалпы аянты 1282 чарчы метр.