Болот Темировдун тарапташтары милиция тарабынан сабалды
Экс-башкы прокурор Аида Салянова өзүнүн Facebook баракчасында журналист Болот Темиров жана акын Болот Назаровдун колдоочуларын милиция кызматкерлери ур-токмокко алгандыгы тууралуу билдирди.
Анын айтымында, журналист менен акынды тарапташтары Шайлообеков Нургазы менен Назаркулов Айбек активдүү колдоп турган.
«Митинг бүткөндөн кийин Ленин районунун аймагынан аларды уруп-сабап милиция кызматкерлери Фучикдеги бөлүмүнө алып кетишиптир. Муну кандай түшүнсөк болот?! Кечирим сурап тез арада кое бересинер деген үмүттөмүн!», – дейт Салянова.
Эскерте кетсек, журналист Болот Темировду күч кызматкерлери 23-январга караган түнү кармап кетишкен. УКМК алар баңги затка байланыштуу арыздын негизинде кармалышканын билдирген. Бирок журналист бул атайын жасалганын айткан болчу.
Белгилей кетсек, ага чейин Темиров Live каналы «2 күндө 37 миллион сомду кантип тапса болот? Ташиевдин схемасы, Садыр Жапаровдун жообу!» деген материалын жарыялаган эле. Анда УКМКнын жетекчиси Камчыбек Ташиевдин мазутту экспорттогон компанияга тиешеси бар экени айтылат.
