Чүй облусундагы кампадан күмөндүү акциздик маркалар менен алкоголдук суусундуктар табылды

Салык кызматы Чүй облусунан күмөндүү акциздик маркалар менен 50 миңден ашык бөтөлкө алкоголь тартып алды. Бул тууралу МСКнын маалымат кызматы билдирди.

Салык кызматынын кызматкерлери УКМК менен биргеликте Чүй облусунун Сокулук району боюнча күмөндүү акциздик маркалар менен алкоголдук продукцияларды сатуу максатында сакталган кампаны аныкташты.

Жалпысынан текшерүүнүн жыйынтыгы боюнча 50 миң 744 бөтөлкө ар кандай аталыштагы жана идиштеги алкоголь тартылып алынды. Анын ичинен 30 миң бөтөлкө кампадан, 20 миң 744 бөтөлкө жүк ташуучу унаадан табылган.

Рейддик салыктык контролдун материалдары жана тартып алынган продукция КРнын мыйзамдарына ылайык, чараларды көрүү үчүн укук коргоо органдарына өткөрүлүп берилди.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды