Чек ара урушунда жаракат алган 11 адамдын абалы орточо оор

Бүгүн, 28-январь күнү саат 07:00дө кыргыз-тажик мамлекеттик чек ара тилкесиндеги Самаркандек, Төрт-Көчө, Көк-Таш, Дахма, Көчө-Бою жана Головная тилкелериндеги жаңжалдан 11 адам жабыркаганын Саламаттык сактоо министрлиги билдирди.

Баткен облустук ооруканасына ар кандай жаракаттар менен 11 адам жаткырылган жана маалыматтарга таянсак, алардын баары аскер кызматкерлери.

Эскерте кетсек, кечээ, 27-январда Баткенде, кыргыз-тажик чек арасындагы Төрт-Көчө аймагында тажик тургундар жолду тосууга аракет кылып, сүйлөшүүлөрдөн кийин абал жайгарылган. Бирок бир аздан соң тажик тараптан башка аймакта – Чыр-Дөбөдө ок атылганын Кыргызстандын Чек ара кызматы билдирген.

Кийинчерээк белгилүү болгондой, тажик тарап чек ара аймагындагы курулуш иштерин эскертүүсүз баштаган. Эскертүүлөргө карабай, алар ишти улантып, жергиликтүү тургундар жолду тосушкан. Бийлик өкүлдөрүнүн сүйлөшүүсүнөн кийин жол ачылып, өтмөк кайрадан жанданган эле. Бирок 7-10 мүнөттөн кийин атышуу кайра башталган.

Тараптар атышууну толук токтотуу тууралуу макулдашканы 28-январда саат 03:10до маалымдалды.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды