Караколдо «Дос Кредо» банктын кеңсесинде өрт чыкты
Бүгүн таңкы саат 07:10 чамасында Каракол шаарындагы Токтогул көчөсүндө жайгашкан «Дос Кредо» банктын кеңсесинен өрт чыккандыгы тууралуу маалымат келип түшкөнүн Өзгөчө кырдаалдар министрлиги билдирди.
Жерине Каракол шаардык №15 өрткө каршы куткаруу бөлүмүнөн бир бөлүкчө тартылып, саат 07:27де чектөөгө алып, саат 08:05де толугу менен өчүрүлгөн.
ӨКМ жалпысынан имараттын ичинин эки чарчы метри жана бир пластик терезе күйгөнүн, учурда өрттүн келип чыгуу себеби такталып жатканын кабарлады.
