ОКӨФ Чоң-Алай районуна айыл чарба техникаларын алууга 1.1 млн доллар берет

Орус-кыргыз өнүктүрүү фонду (ОКӨФ) Ош облусунун Чоң-Алай районуна айыл чарба техникаларын алып келүү долбоорун колдойт. Бул тууралуу аталган фонддун басма сөз кызматы билдирди.

Тиешелүү келишимге «СЕВЕР-ЮГОЙЛ» компаниясы менен кол коюлган. Фонд ага 1 млн 194 миң доллар өлчөмүндө 7 жылдык мөөнөткө жеңилдетилген насыя берет. Бул каражатка ишкана Чоң-Алай районунун Кашка-Суу айылында машина-трактор станциясын (МТС) ачып, 70тен ашык айыл чарба техникаларын сатып алат.

МТСтин кызматтары дыйкандарга автоматташтырылган эмгекке, ошондой эле картошканы, буудайды, арпаны жана көп жылдык чөптөрдү кайра иштетүү жана жыйноо үчүн техникаларды пайдалануу мүмкүнчүлүгүн камсыздайт.

ОКӨФтүн төрагасы Артем Новиков долбоордун аркасында Чоң-Алай районунда жаңы жумуш орундары түзүлөөрүн билдирди. Анын айтымында, натыйжада, дыйкандардын өндүрүмдүүлүгү жогорулайт, жер иштетүүгө кеткен чыгым төмөндөйт. Долбоор аймактагы айыл чарба техникаларынын жетишсиздигин 40% толуктайт. Айдоо аянттары көбөйүп, жылына 720 гектарга чейин кошумча жер айдалат.

Жабдууларды ижарага алуунун эсебинен үнөмдөлгөн продукциянын наркы 10%га, ал эми себүү жана жыйноо убактысы эки жумага кыскарат. Иштер эртерээк башталат, анткени дыйкандар башка аймактардан техниканын бошошун күтүшпөйт.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды