Жаштар ашыкча – Министрлер кабинети кыргызстандыктарды чет мамлекеттерге иштөөгө жөнөтүүнү көздөөдө

Министрлер кабинети жаш муундагы жумушчу күчү арбын деп, аларды чет өлкөгө иштөөгө жөнөтүүнү уюштуруу жолдорун кароодо. Бул президенттин «Миграциялык кырдаалды жакшыртууга багытталган чараларды кабыл алуу жөнүндө» Жарлыгын ишке ашыруунун алкагында талкууланды.

Министрлер кабинетинин төрагасынын орун басары Эдил Байсалов башында турган жыйында эмгек мигранттарын уюшкандык менен ишке орноштурууга мамлекеттик органдардын ишин координациялоону күчөтүү жөнүндө кеп болду.

«Албетте, Министрлер кабинетинин негизги артыкчылыктуу иши өлкөнүн ичинде жумушчу орундарын түзүү болуп саналат. Учурда биз республикага тейлөө көрсөтүү жана өндүрүш тармагындагы гана эмес, мектептерге, ооруканаларга, мамлекеттик мекемелерге да адискөй кадрларды кайтарууга умтулуудабыз.

Бирок, жакынкы жылдары бизде жаштардын эсебинен жумушчу күчүнүн арбын болушу күтүлөт. Алардын чет өлкөдөн жакшы маяналуу жумушка орношуусу үчүн активдүү аракеттерди көрөбүз. Алар анда экономиканы өнүктүрүү жана ага инвестиция салуу үчүн талап кылынган көндүмдөрдү да ала алышат», – деди Байсалов.

Кеңешменин жыйынтыгында, мамлекеттик органдарга кыргызстандыктарга сапаттуу юридикалык көмөк көрсөтүү, камсыздандырууну киргизүү жана мыйзамдуу түрдө жумушка орноштурууну жеңилдетүү жаатында тапшырмалар берилди. Ошондой эле виза режимин жеңилдетүү жана ишке чыгуу мүмкүнчүлүгү боюнча келишим түзүү иштерин тездетүү тапшырылды.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды