Таластын төө буурчагын экспорттоо ГМО сертификаты жоктугунан токтоп калышы мүмкүн – лаборатория керек
Таластын төө буурчагын экспорттоо экспорттоочулар тарабынан гендик модификацияланган организмдердин (ГМО) жок экендиги тууралуу сертификатка ээ болуу боюнча жаңы талаптардан улам токтоп калышы ыктымал. Бул тууралуу бир мандаттуу Манас шайлоо округунан депутат Дастанбек Жумабеков парламент жыйынында билдирди.
Эл өкүлү Талас облусунда 100 млн долларлык төө буурчак өндүрүлүп, экспорттолуп жатканын белгиледи. Бирок акыркы жылдары продукцияны экспорттоо үчүн жаңы талаптар чыгып, ГМО жок деген сертификат алуу зарыл болууда.
«Таласта мындай лаборатория жок жана бул тышкы рынокко чыгууга тоскоолдук жаратууда, андыктан бул маселени тез арада чечүү керек», – деди Жумабеков.
