Санариптик министрлиги Баткен жана Чүйдө жөлөкпулга арызды жеринде кабыл алат
Санариптик өнүктүрүү министрлигинин мобилдик тобу Баткен жана Чүй облустарын кыдырып, жеринде бир катар кызматтарды көрсөтөт жана анын ичинде жөлөкпулга да арыздарды кабыл алат. Бул тууралуу ведомствонун маалымат кызматы билдирди.
Мобилдүү топ төмөндөгү кызматтарды көрсөтөт:
- КРнын жаранынын паспортун алууга документтерди кабыл алуу
- жарандык абалдын актыларынын каттоо жана күбөлүктөрдү алуу
- «Балага сүйүнчү» бир жолку жөлөкпулга арыздарды кабыл алуу
- көйгөйлүү жеке идентификациялык номерлер боюнча арыздарды кабыл алуу
- КРнын жарандарын туруктуу жана убактылуу жашаган жери боюнча каттоо
- дарек маалымкаттарын алуу
- чет өлкөлүк жарандарды каттоо
- жарандык маселелери боюнча консультация берүү жана документтерди кабыл алуу
- биометрикалык маалыматтарын каттоо.
Мобилдик топтун Баткен облусунун Баткен районунун калктуу конуштарына чыгуу графиги 3-15-февраль аралыгында жүрөт.
