Бишкектеги таштандыларды сорттоочу заводдун курулушуна тендер март айында жарыяланат – бюджет 22 млн евро
2022-жылдын 10-февралында Европа реконструкциялоо жана өнүктүрүү банкынын (ЕРӨБ) электрондук сатып алуулар сайтында Бишкек шаарында таштандыларды сорттоочу заводдун курулушу боюнча боло турган тендер тууралуу билдирүү жарыяланган.
Маалыматка ылайык, божомол боюнча тендер 2022-жылдын 15-мартында жарыяланаарын Бишкек мэриясынын сайтында айтылат.
Эске салсак, заводдун курулушу ЕРӨБдүн долбоору менен каржыланат. Бюджети 22 млн еврону түзөт, анын ичинен 11 млн доллары жеңилдетилген насыя түрүндө, 3 млн доллары болсо – атайын грант түрүндө берилет. Калган 8 млн доллар – Борбордук Азия үчүн инвестициялык фондунун Европа Биримдигинин гранты болуп эсептелет.
Тендер ЕРӨБдүн сатып алуу эрежелерине ылайык өткөрүлөт жана ага катышуу дүйнөнүн бардык өлкөлөрүнүн компаниялары үчүн ачык. Сатып алуу процедурасы ЕРӨБ электрондук сатып алуулар веб-сайты аркылуу ишке ашырылат.
Алдыдагы тендерге катышууну каалаган компаниялар ЕРӨБ электрондук сатып алуулар порталында катталышы керек. Катталган жарандар тендердин башталышы жөнүндө, ошондой эле дүйнө жүзү боюнча ЕРӨБдүн долбоорлору тууралуу автоматтык түрдө маалымат алып турушат.
