Жыл башынан бери алкоголдук ичимдиктер жана тамеки буюмдары 3.6%га кымбаттады

Кыргызстанда керектөө бааларынын жана тарифтердин өсүшү уланууда. Январда (2021-жылдын декабрына салыштырмалуу) алардын өсүшү 1%ды түздү. Бул тууралуу Улуттук статистикалык комитет билдирди.

Алкоголдук ичимдиктерге жана тамеки буюмдарына баа 3.6%га жогорулаган. Бишкекте товарлардын бул түрлөрү 5.6%га кымбаттады.

Тамак-аш азыктарына жана алкоголсуз суусундуктарга баанын өсүшү 0.9%ды, калк үчүн тарифтер 0.5%ды, азык-түлүк эмес товарларга 0.4%ды түздү.

Өткөн  жылдын январь-декабрында (мурдагы жылдын декабрына салыштырмалуу) жалпы республика боюнча керектөө бааларынын өсүүсү 11.2%ды түзгөн.

Ушул эле учурда тамак-аш азыктарынын жана алкоголсуз суусундуктардын баасы 13.3%га, алкоголдук ичимдиктердин жана тамеки 14.4%га, азык-түлүк эмес товарлар 9.7%га, кызмат көрсөтүүнүн тарифтери 7.1%га көтөрүлгөнү байкалган.

2021-жылдын январь-декабрында керектөө бааларынын жана тарифтердин жогорулашы  (мурунку жылдын декабрына салыштырмалуу) республиканын баардык региондорунда байкалган.

Мында баанын максималдуу өсүүсү башка региондорго салыштырганда эң чоң пайыздык көрсөткүч (14.9%) Жалал-Абад облусунда катталган. Ал жерде азык-түлүк эмес товарлардын баасы (20.1%га) жогору экени аныкталган.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды