2021-жылы Кыргызстандын мамлекеттик карызы 5 млрд доллардан ашты
Кыргызстандын мамлекеттик карызы (тышкы+ички) 2021-жылдын 31-декабрына карата алдын ала маалыматтар боюнча 5 млрд 147 млн долларды (436 млрд сомдон ашык) түздү. Мындай маалыматты Финансы министрлиги жарыялады.
Тышкы мамлекеттик карыз 4 млрд 294 млн доллар (364 млрд сом) суммасында калыптанып, мамлекеттин жалпы карызынын 83%ын түздү. Ички милдеттенмелер 852 млн долларды (72 млрд сом), тагыраак айтканда, мамлекеттик карыздын 17%ын түзгөн.
Белгилей кетсек, тышкы мамлекеттик карыз боюнча төлөмдөрдүн туу чокусу жакындап баратат. Ал 2025-жылы башталып, 2030-жылга чейин уланат. Бул жылдар аралыгында Кыргызстан жылына 400 млн доллардан ашык төлөп турат.
