КР өзүн өсүмдүк майы менен толук 2026-жылы гана камсыз кыла алат
КР өзүн өсүмдүк майы менен толук 2026-жылы гана камсыз кыла алат. Бул тууралуу бүгүн, 16-февральда Жогорку Кеңештин жыйынында Айыл чарба министри Аскарбек Жаныбеков айтты.
Министр республика өткөн жылдардагы көрсөткүчтөргө ылайык, учурда өзүн май менен камсыздоосу өтө эле төмөн экенин айтты.
«Биз өзүбүздү өсүмдүк майы менен камсыз кылыш үчүн 2026-жылга чейин барабыз, анткени учурда өзүбүздү 20%га жетпеген көлөмдө гана камсыздай алабыз», – деди министр.
Эскерте кетсек, 2021-жылы жыл башынан бери күн карама майынын баасынын туруктуу өсүшү байкалган – январь айында литри 131 сомдон июнда 161 сомго чейин көтөрүлгөн. Мамлекеттик жөнгө салуу киргизилгенден кийин анын баасы сентябрга чейин (150 сом), башкача айтканда, мамлекеттик жөнгө салуу аяктаганга чейин (25-август) төмөндөй баштаган.
Өсүмдүк майынын баасы кандай өзгөрдү?
республика боюнча орточо баасы (сом/л)
