Россиядан келген ишкерлер кыргыз компанияларын кыдырышат
Бүгүн, 16-февралда КРнын Соода-өнөр жай палатасында Россиянын Саратов облусунан келген ишкерлер менен бизнес-форум өттү. Бул тууралуу палатанын маалымат кызматы билдирди.
Соода-экономикалык миссия КРнын СӨПү тарабынан Саратов облусунун СӨПү менен биргеликте уюштурулган. Анын алкагында, ошондой эле, кыргызстандык жана россиялык ишкерлер ортосунда В2В жолугушуулар өтүп, келишимдердин, сатыктардын жана дегеле кызматташуунун шарттары түздөн-түз талкууланды.
Берилген маалыматка ылайык, Россиядан келген тарап, кыргызстандык ишкана компанияларга барат.
Делегациянын курамында тамак-аш, фармацевтикалык, косметикалык, ветеринардык, химиялык жана өнөр-жайдын башка тармактары үчүн таңгактоо жабдууларын өндүрүүчү компаниялар бар.
