Жер семирткичтерди сатып алууга бюджеттен 975 млн сом бөлүндү – Кыргызстан өзү өндүрбөйт

Минералдык жер семирткичтерди сатып келүү максатында республикалык бюджеттен 975.4 млн сом бөлүндү. Бул тууралуу Финансы министрлигинин басма сөз кызматы билдирди.

Минералдык жер семирткичтердин керектелүүчү көлөмүн камсыз кылуу максатында 30 миң тонна жер семирткичти сатып келүү үчүн республикалык бюджеттен 975.4 млн сом акча каражаты бөлүндү.

Берилген маалыматка ылайык, 2021-жылга республиканын айыл чарбасынын минералдык жер семирткичтерге болгон болжолдуу муктаждыгы 266.7 миң тоннаны түзүп, бирок республикага 139.1 миң тонна гана жер семирткичкер алынып келинген. Рыноктун муктаждыгы толук камсыз болбогондугунан улам 2021-жылы жер семирткичтерге болгон баа кескин өсүп кеткен.

2022-жылга карата айыл чарбасынын минералдык жер семирткичтерге болгон керектөөсү 268.6 миң тоннаны түзөт деп болжолдонууда, анын ичинен азоттук жер семирткичтер 146.9 миң тонна, фосфордук жер семирткичтер 104.5 миң тонна, калийдик жер семирткичтер 17.2 миң тонна.

Эскерте кетсек, буга чейин Айыл чарба министри Аскарбек Жаныбеков Кыргызстан бир дагы кг минералдык жер семирткич өндүрбөй тургандыгын, республика толугу менен импортко көз каранды экендигин айткан эле.

Министр жер семирткичтердин негизги бөлүгү – 85-87% Өзбекстандан, ал эми фосфордук, аммофос, калийдик жер семирткичтер болсо Россиядан жана Казакстандан келээрин белгилеген.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды