Дыйкандарга 339 млн сомго 544 насыя берилди – «Айыл Банктын» депутатка жообу

Бүгүн эртең мененки абалга карата «Айыл чарбасын каржылоо – 10» (АЧК – 10) программасынын алкагында жылдык 6% менен 338.7 млн ​​сом суммасында 544 насыя берилди. Бул тууралуу Economist.kg басылмасына «Айыл Банк» ААКдан билдиришти.

Эскерте кетсек, кечээ, 10-мартта Жогорку Кеңештин жыйынында депутат Өмүрбек Бакиров «Айыл банк» дыйкандарга эч кандай кредит бербегенин, дыйкандарга деп берилген кредиттер аларга жетпегенин айткан болчу.

«Кумтөрдүн акчасы деп ар бир райондо 3-4 кишиге 100 миң сомдон берип коюшуптур, бул өтө эле аз. Мамлекеттик банктардан кредит берилбей жатат, дыйкандар ала албай жатышат. Бизге күнүгө толтура кайрылуулар түшүп жатат», – деген депутат.

«Айыл Банк» 9.5 млн сомго үрөн түрүндөгү 198 товардык кредит берилгенин жана жалпысынан 2022-жылдын башынан бери 3.3 млрд сом суммасында 9 510 насыя бергенин билдирди.

Аталган банк кредиттик адистер дем алыш жана майрам күндөрү да – күн сайын саат 22:00гө чейин иштеп жатышканын кошумчалады.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды

Ошто 300 орундуу жаңы бала бакча ачылды

Президенттик шайлоодо 33 өлкөдө 74 шайлоо тилкеси ачылат

Араван районунда 112 млн сомдук мектеп курулууда