Мамматрезерв фондунан Ошко 50 тонна кумшекер, 40 тонна күн карама майы берилди
Бүгүн, 18-мартта Ош шаарына Өзгөчө кырдаалдар министрлигинин (ӨКМ) алдындагы Мамлекеттик материалдык резервдер фондусунун Башкы кампасынан 50 тонна кумшекер жана 40 тонна күн карама майы келип түшкөнүн ӨКМнын маалымат кызматы билдирди.
Маалыматка ылайык, Ош шаарында «Акниет» соода түйүндөрү аркылуу белгиленген баада: кумшекер килограммы 70 сомдон, күн карама майынын литри 130 сомдон сатылат.
Сатылуучу даректер:
- Кулатов кичи району 16б
- Анар кичи району, Абдыкадыров көчөсү 205а
- Курманжан Датка көчөсү 226 (болжол: шаардык оорукана)
- Абакир уулу Төрөбек көчөсү 40в (Юго-Восток)
- Исхак Раззаков көчөсү 56 (Ош району)
- Уркуя Салиева көчөсү 40а (ХБК).
