Улуттук банк банктардын уставдык жана өздүк капиталынын минималдуу өлчөмүн жогорулатууну көздөөдө

Улуттук банк кайра түзүлгөн жана иштеп жаткан банктар үчүн чет өлкөлүк банктардын филиалдарынын капиталына талаптарды кошкондо, уставдык жана өздүк капиталдын минималдуу өлчөмүнө талаптарды баскыч-баскычы менен жогорулатуу жөнүндө маселени карайт. Бул тууралуу регулятордун маалымат кызматы билдирди.

Берилген маалыматка таянсак, бул өлкөдөгү валюталар курсунун жогорку өзгөрмөлүүлүгү менен коштолгон кырдаалды эске алуу менен, банк системасынын туруктуулугун, коопсуздугун жана ишенимдүүлүгүн чыңдоо, ар кандай экономикалык кырдаалдарда ички таасирлерге каршы турууда банк системасынын ийкемдүүлүгүн жана жөндөмдүүлүгүн жогорулатуу максатында каралат.

«Кайра түзүлгөн жана иштеп жаткан банктар үчүн чет өлкөлүк банктардын филиалдарынын капиталына талаптарды кошкондо, уставдык жана өздүк капиталдын минималдуу өлчөмүнө талаптарды баскыч-баскычы менен жогорулатуу жөнүндө маселени карайт», –  деп айтылат билдирүүдө.  

Улуттук банктын уставдык жана өздүк (жөнгө салуучу) капиталынын минималдуу өлчөмү боюнча жаңы талаптарга болжолдуу сандык багыты 1 млрд сом болуп саналат, мында системалуу мааниге ээ банктар үчүн талаптардын өлчөмү көрсөтүлгөн суммадан жогору болот. 

Ушуга байланыштуу, Улуттук банк алардын ишмердүүлүгүнүн тобокелдикке, анын ичинде учурдагы кырдаалды эске алуу менен кредиттик тобокелдикке дуушарлануусун эске алып, банктардын келечектеги керектөөлөрүн өз убагында баалоонун маанилүүлүгү тууралуу белгилейт, анткени капитал, анын ичинде бөлүштүрүлбөгөн пайда Улуттук банк тарабынан белгиленген уставдык капиталга карата талаптарды аткаруу үчүн банкка келечекте талап кылынышы мүмкүн.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Араван районунда 112 млн сомдук мектеп курулууда

Нарын менен Ошто жер силкинди

Өлкөдөгү 15 846 жеке ассистентке азык-түлүк жардамы берилди

Базар-Коргондун Кызыл-Ай айылында 78 млн сомдук бала бакча курулууда

Мирлан Урматов Кадамжай районунун акими болуп дайындалды