Минкаб бюджеттик кызматкерлердин маянасын, пенсияны, жөлөкпулдарды «масштабдуу» көтөрөт – 35 млрд сом бөлүнөт
Ушул жылдын апрель айынан тартып, бюджеттик кызматкерлердин маянасы, пенсиялар, жөлөкпулдар көтөрүлөт. Бул тууралуу Министрлер кабинетинин төрагасы Акылбек Жапаров Кризиске каршы комитеттин жыйынында билдирди.
Министрлер кабинети Социалдык-экономикалык чакырыктарга ыкчам аракеттенүү боюнча Кризиске каршы комитеттин жыйынында 2022-жылга антикризистик иш-чаралардын планын бекитти.
Анда Акылбек Жапаров үстүбүздөгү жылдын апрель айынан тарта социалдык кызматкерлердин эмгек акысы масштабдуу көтөрүлөөрүн айтты.
«Бюджеттик кызматкерлердин эмгек акыларын, пенсияларын, жөлөкпулдарын жогорулатууга бюджеттен 35 млрд сомго жакын каражат бөлүнөт», – деди ал.
