Бакыт Торобаев Министрлер кабинетинин төрагасынын орун басары болуп дайындалды
Бакыт Торобаев Министрлер кабинетинин төрагасынын орун басарынын милдетин аткаруучу болуп дайындалды. Бул тууралуу президенттин маалымат кызматы кабарлады.
Президент Садыр Жапаров кол койгон Жарлыкка ылайык, Бакыт Торобаев Министрлер кабинетинин төрагасы Акылбек Жапаровдун орун басарынын милдетин аткаруучу болуп дайындалды.
Маалыматта Бакыт Торобаевдин талапкерлигин Жогорку Кеңешине макулдашуу үчүн кароого киргизүүгө токтом кылынганы айтылган. Бирок ЖК качан карайт, азырынча белгисиз.
«Ата-Журт – Кыргызстан» фракциясынын төрагасы Бакыт Төрөбаев буга чейин, «Ак жол», «Республика» жана «Өнүгүү-Прогресс» партиялары менен шайлоолорго катышып, жалпысынан Жогорку Кеңештин төрт чакырылышынын депутаты болгон.
