2021-жылы камсыздандыруу компанияларынын кирешелери 8.7%га азайды

2021-жылы камсыздандыруу компанияларынын кирешелери 2020-жылга салыштырмалуу 8.7% азайды жана 1.6 млрд сомду түздү. Бул тууралуу Улутстатком билдирди.

2021-жылы республиканын финансы секторунда 14 камсыздандыруу компаниялары ишмердигин жүргүзүшкөн.

Камсыздандыруу компанияларынын чыгымдары бул мезгил ичинде 9.1% кыскарды жана 1.3 млрд. сомду түздү. Мында жалпы чыгымдардын суммасынын 35% ишти жүргүзүүгө кеткен чыгымдарга жана 30% ашыгы кайра камсыздандырууга берилген камсыздандыруу төгүмдөрүнө (сый акыларга) кеткен чыгымдарга туура келген.

Өткөн жылдын жыйынтыгы боюнча камсыздандыруу компаниялары тарабынан 257 млн сомго жакын сальдолоштурулган пайда алынган, бул 2020-жылга караганда 18.2 млн сомго аз.

2021-жылы камсыздандыруу компаниялары тарабынан 266 миң камсыздандыруу келишими түзүлдү, бул 2020-жылга салыштырганда 1.7 эсеге көп. Мында түзүлгөн келишимдердин жалпы санынын ичинен 88% жеке жактар менен түзүлгөн келишимдерге туура келген.

Ошондой эле ыктыярдуу камсыздандыруу үлүшүнө түзүлгөн келишимдердин жалпы санынын дээрлик 70% туура келди.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Акыркы беш жылда өлкөдө 5,6 миң чакырым жолго асфальт төшөлдү

Нарын районунда 150 орундуу мектептин курулушу 95%га жетти

Кыргызстанда кызмат көрсөтүү тармагынын көлөмү 1,4 трлн сомдон ашты

Өлкөдө эт 17,3%, сүт азыктары 13% кымбаттады

Кыргызстанга Түркмөнбашы эл аралык деңиз портун пайдаланууда жеңилдиктер болору айтылды