1-майдан баштап КРга келген чет элдик жарандардан ПЦР-тест жана эмдөө сертификаты талап кылынбайт
1-майдан баштап Кыргызстанга кирүүнү каалган чет элдик жарандардан ПЦР-тест жана эмдөө сертификаты талап кылынбайт. Мындай чечим өлкөнүн коронавирус инфекциясына каршы күрөшүү боюнча ыкчам штабынын жыйынында кабыл алынды.
Республикалык штабдын маалыматына ылайык, Министрлер кабинетинин төрагасынын орун басары Эдил Байсалов ыкчам штабдын жыйынын өткөрүп, анда республикадагы коронавирус инфекциясы боюнча эпидемиологиялык абал жана калкты коронавирус инфекциясына каршы эмдөөнүн жүрүшү тууралуу маалымат угулду.
Ошондой эле президенттин облустардагы ыйгарым укуктуу өкүлдөрүнө Саламаттыкты сактоо министрлиги менен бирдикте калкты эмдөө менен камтууну кеңейтүү жана темпин ыкчамдатуу жана калктын аялуу катмарына басым жасоо менен өлкө калкын коронавирус инфекциясына каршы эмдөө кампаниясын улантуу тапшырылды.
Бирок республикалык штаб билдиргендей, 1-майдан тартып, чет элдик жарандардан ПЦР-тест жана эмдөө сертификаты талап кылынбайт.
