169.3 млн сом тез жардам унааларын сатып алууга бөлүндү
Тез жардам унааларын сатып алууга 2022-жылдын башындагы бюджеттик каражаттардын эсебинен 169.3 млн сом бөлүндү. Тиешелүү чечимге министрлер кабинетинин төрагасы Акылбек Жапаров кол койду.
Кабыл алынган чечимге ылайык, Саламаттык сактоо министрлигине тез жардам унааларын сатып алууга 169.3 млн 347 миң сом акча каражаты бөлүнөт.
Бул бюджеттик каражаттар «Акылдуу шаар» долбоорунун «Коопсуз шаар» компонентин ишке ашыруунун алкагында аппараттык-программалык комплексти колдонуу менен фиксацияланган Жолдо жүрүүнүн жана транспорт каражаттарын эксплуатациялоонун эрежелерин бузуу үчүн өндүрүлгөн айыптардын суммаларын түзүү жана пайдалануу тартибин бекитүү жөнүндө» токтомуна ылайык бөлүнгөн.
