Өлкөдө 453 млрд сомдук айыл чарба продукциясы өндүрүлдү

Өлкөдө 453 млрд сомдук айыл чарба продукциясы өндүрүлдү

2026-жылдын январь-октябрь айларында Кыргызстанда айыл чарба, токой чарбасы жана балык уулоочулук тармактарынын дүң продукциясынын көлөмү 453,3 млрд сомду түздү. Бул тууралуу Экономика министрлиги Улуттук статистика комитетинин маалыматына таянуу менен билдирди.

Бул көрсөткүч өткөн жылдын ушул мезгилине салыштырмалуу 4,7%га көп. Өсүш негизинен мал чарбачылыгы жана өсүмдүк өстүрүү тармактарындагы өндүрүштүн көбөйүшүнүн эсебинен камсыз болду.

Маалыматка ылайык, мал чарбачылыгы 4%га өстү. Анын ичинде эт өндүрүү 4,1%га, сүт 2,3%га көбөйдү. Ал эми жумуртка өндүрүү өткөн жылдын ушул мезгилине салыштырмалуу 20,8%га жогорулады. Жүн өндүрүү 0,5%га өскөн.
Өсүмдүк өстүрүү тармагында да өсүш байкалды. Бул багыттагы өндүрүш 5,5%га көбөйгөн. Айрыкча дан өсүмдүктөрүн жыйноодо жогорку көрсөткүчтөр катталып, арпа өндүрүү 45,3%га, буудай 44,9%га өстү.

Мындан тышкары, мөмө-жемиш өндүрүү 2,9%га, картошка 4,5%га жана кант кызылчасы 7,5%га көбөйгөн.

Белгилей кетсек, айыл чарба өндүрүшүнүн ички дүң продукциянын өсүшүнө кошкон салымы 0,44 %дык пунктту түздү. Ал эми ИДПнын түзүмүндөгү айыл чарбасынын үлүшү 8,4% болду.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Бишкек мэриясы жарнамаларда кыргыз тилинин талаптары сакталышы керектигин эскертет

Кыргызстанда кызмат көрсөтүүлөр 12,2%га кымбаттады

Аялдардын бизнесин колдоодо БУУ менен келишим түзүлдү

Папан ГЭСинде деривациялык тоннелдин 800 метри казылды

Ашхабад шаарында айыл чарба тармагындагы кызматташтык сүйлөшүлдү