Экономика министрлиги базарларда ККМди колдонуудан алып салуу маселесин карап жатат
Экономика министрлигинин жумушчу тобу базарларда контролдук-кассалык машиналарды (ККМ) колдонуудан алып салуу маселесин кароодо. Бул тууралуу кечээ, 18-майда Бишкекте өткөн маалымат жыйынында Экономика министрлигинин салык саясаты башкармалыгынын башчысы Кубанычбек Ысабеков билдирди.
Анын айтымында, министрлер кабинетинин токтомунун графигине ылайык, үстүбүздөгү жылдын 1-августунан баштап базарлар ККМ колдоно башташы керек.
«Биз базарлардагы ишкерлер менен жолугуштук, жумушчу топ түзүлүп, учурда анын ишинин алкагында базарларга өзүнчө атайын салык киргизүү маселеси каралууда.
Бул жумушчу топтун ишинин жыйынтыгы боюнча маалымат берилет, бирок өзүнчө атайын салык режимин иштеп чыгууда базарлар тарабынан ККМди колдонуудан алып салуу маселеси да каралат. Бирок азырынча эч кандай чечим жок жана макулдашылгандан кийин тиешелүү маалыматты беребиз», – деди Ысабеков.
