Оң рулдуу автоунааларды алып келүү боюнча мыйзам четке кагылды

Назира Абдиева

Оң рулдуу автоунааларды алып келүү боюнча мыйзам четке кагылды

Бүгүн, 19-майда Жогорку Кеңештин «Ата-Журт Кыргызстан» фракциясынын жыйынында «КРдагы жол кыймылы жөнүндө» мыйзам каралып, бирок оң рулдуу автоунааларды алып келүү боюнча мыйзам четке кагылды. Бул тууралуу Жогорку Кеңештин маалымат кызматы билдирди.

Аталган маселе боюнча депутат Марлен Маматалиев баяндама жасап, рулдук башкаруусу оң тарабында жайгашкан автотранспорт каражаттарын алып келүү маселесин, монитору бар озуп өтүү камерасын милдеттүү түрдө орнотуу аркылуу чечүү сунушталып жатканын айтты.

Өз кезегинде ИИМдин Жол кыймылынын коопсуздугун камсыздоо башкы башкармалыгынын жетекчиси Азамат Исраилов оң рулдуу унаалар жол кыймылынын коопсуздугуна коркунуч келтирерин жүйө келтирип, мыйзам долбооруна каршы чыкты. Жыйынтыгында, мыйзам долбоору четке кагылды.

Белгилей кетсек, буга чейин депутаттар Кыргызстанга оң рулдуу унааларды алып кирүүгө тыюу салууну алып таштоону сунушташып, тиешелүү мыйзам долбоорун коомдук талкууга чыгарышкан болчу.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”