Айыл чарба министрлиги сүттүн баасын төмөндөтүүнү карап жатканын билдирди

Назира Абдиева

20 мая 2022 23:20

Айыл чарба министри Аскарбек Жаныбеков «Марал» радиосуна берген маегинде сүт азыктарынын кымбат болуп жатканынын себебин түшүндүрдү.

Ошондой эле Жаныбеков сүттүн өндүрүмдүүлүгү төмөн болгондугуна байланыштуу, сүттүн наркы жогору болуп, дыйкандардын тапкан кирешеси төмөн болуп жатканын айткан. Быйыл сүттүн баасы былтыркыга салыштырмалуу эки эсе жогорулады. Муну менен катар ал башка азык-түлүк да эки эсеге кымбаттаганын кошумчалады.

«Биз кайра иштетүүчүлөр менен сүйлөшүп, туура, ыңгайлуу бааны коюунун үстүндө иш алып барып жатабыз. Биринчи сапат, андан кийин баасы дээрлик макулдашууда турат. Баа туура болуш үчүн токтомго ылайык, анын майлуулугу 3.4% болуш керектигин белгилеп, ошого жараша аласыңар деп жатабыз», – деп кошумчалады министр.

Белгилей кетсек, 10-майда Монополияга каршы жөнгө салуу кызматы сүт рыногундагы учурдагы кырдаал боюнча Экономика жана Айыл чарба министрлигинин өкүлдөрү, ошондой эле рыноктун түздөн-түз катышуучуларынын – чийки сүттү кайра иштетүүчү заводдор, ошондой эле малчылар жана фермерлер катышкан жыйын өткөргөн.

Анда сүт рыногунун негизги көйгөйлөрү катары аны чогултууда чакан көлөм, мамлекеттик стандарттардын сакталбагандыгы, техникалык шарттардын талаптарын сактабоо, сүттүн сапатын, майлуулугун аныктоодо сүт заводдорунун начар жабдылышы айтылган.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”